Календар со активности | 3+ години

Развојно воден календар со секојдневни активности за деца над 3 години, создаден да ги поддржи клучните развојни одредници во период кога детето станува покреативно и сè посигурно во своите способности, но има и мал милион прашања за светот околу себе.

Периодот од 3 до 4 години е време на брз јазичен и когнитивен развој. Детето сè подобро се изразува со зборови и реченици, поставува многу прашања, сака да објаснува што прави и зошто. Играта станува подлабока и посмислена, со јасни улоги, правила и сценарија. Во оваа фаза се развива логичкото размислување, вниманието и способноста за следење едноставни инструкции.

Овој календар е создаден за да ти помогне секој ден да знаеш што да понудиш на твоето дете, без пребарување, без сомнеж и без притисок. Секоја активност е внимателно осмислена според развојните фази на оваа возраст и ги следи природните потреби на детето за истражување, изразување, креативност и учење преку игра.

Активностите се лесни за подготовка, интересни и прилагодени за реално секојдневие, со материјали што најчесто веќе ги имаш дома. Целта не е „совршена активност“, туку поддршка на развојот преку игра, разговор и создавање сигурни, поврзувачки моменти помеѓу тебе и твоето дете.

Што добиваш?

• Календар со секојдневни активности за возраст 3-4 години во PDF формат, лесен за користење на телефон или печатење
• Активности усогласени со развојните одредници за оваа возраст
• Јасни и разбирливи инструкции со едноставни материјали
• Активности за говор, логика, креативност, фина и крупна моторика
• Поддршка за самостојност и концентрација + квалитетно време заедно

Како да го користиш календарот?

Календарот се користи секојдневно или по ваше темпо, преку кратки моменти на игра - дома, надвор или како дел од дневните рутини. Активностите се прилагодуваат на интересот, енергијата и расположението на твоето дете.

Сите активности задолжително се изведуваат под надзор на возрасен. Доколку имаш било каква загриженост околу развојот на твоето дете, секогаш консултирај се со педијатар.