Календар со активности | 2-3 години

Развојно воден календар со секојдневни активности за деца од 2 до 3 години, создаден да ги поддржи клучните развојни одредници во период кога детето интензивно го гради својот говор, самостојност и разбирање на светот околу себе.

Периодот од 2 до 3 години е време на огромен напредок. Детето веќе сигурно се движи, трча, се качува, носи и турка предмети, а истовремено активно учи да се изразува со зборови, да покажува емоции и да ги тестира границите. „Јас сам“ станува омилена фраза, а играта добива подлабоко значење преку имитација, редење, сортирање и игра по улоги.

Овој календар е создаден за да ти помогне секој ден да знаеш што да понудиш на твоето дете, без пребарување, без сомнеж и без притисок. Секоја активност е внимателно осмислена според развојните фази на оваа возраст и ги следи природните потреби на детето за движење, говор, логичко размислување, фина моторика и емоционално изразување.

Активностите се едноставни, интересни и лесни за подготовка, со материјали што најчесто веќе ги имаш дома. Целта не е „совршена активност“, туку поддршка на развојот преку игра, повторување и создавање сигурни, смирени моменти на поврзување помеѓу тебе и твоето дете.

Што добиваш?

• Календар со секојдневни активности за возраст 2-3 години во PDF формат, лесен за користење на телефон или печатење
• Активности усогласени со развојните одредници за оваа возраст
• Јасни, лесни инструкции и материјали што се достапни дома
• Активности за говор, фина и крупна моторика, логика и емоционален развој
• Поддршка за самостојност + квалитетно време заедно

Како да го користиш календарот?

Календарот се користи секојдневно или со ваше темпо, преку кратки моменти на игра - на под, во дневната соба, надвор или како дел од дневните рутини. Активностите се прилагодуваат на интересот, енергијата и расположението на твоето дете.

Сите активности задолжително се изведуваат под постојан надзор на возрасен. Доколку имаш било каква загриженост околу развојот на твоето дете, секогаш консултирај се со педијатар.