Во овој дел може да најдете бесплатни материјали за печатење и идеи за како да ги искористите за брзи и лесни активности со дечиња од различни возрасти. Матерјалите ги поддржуваат сензорните и креативните игри, како и игрите за имагинација кај малите дечиња.
Лизгалиште за пингвини
Ова е навистина забавна активност за деца! Ако немате PlayTRAY, која било мазна површина е погодна за лизгање на вашите пингвини. За да го направите пингвините, наполнете калап за мини мафини со вода и малку сина (прехрамбена) боја. Покријте ги со алуминиумска фолија и во секоја дупка додадете дрвено стапче од сладолед.
Оставете ги во замрзнувач преку ноќ. Откако ќе се замрзнат и ќе сакате да си играте, извадете ги од калапот. Потоа залепете ги пингвините на секое стапче со парче селотејп.
Картички за постепено развивање на вештините за пишување
Раното изложување на децата на игри што го поттикнуваат правилниот фат и држење на моливот им помага подоцна полесно да ги развијат вештините за пишување. Овие картички служат како поддршка додека децата ги вежбаат различните линии и форми преку игра и повторување.
Виножито
Ова е едноставна активност за развој на фина моторика и препознавање бои. Детето со фаќалка ги пренесува пом-пом топчињата на соодветните места на виножитото. По желба, можете да додадете велкро лепливи точки за топчињата да останат на место.
Доколку немате фаќалка, може да користите алтернатива од вашата кујна, пример мала фаќалка за лед или салата.
Пронајди го срцето
Испечатете ги срцата и исечете ги на половина за да добиете игра за усогласување на шари и бои. За дополнителна забава, можете да ги сокриете низ домот или во дворот и да стане и со игра со движење и барање.
Сложувалка со животни
Ова е забавна игра за усогласување и градење, наменета за најмалите. Испечатете ги сликите од животните и залепете ги на ролни од тоалетна хартија. Исечете по означените линии за да добиете три дела. Измешајте ги парчињата и предизвикајте го детето повторно да ги состави животните.
Нахранете ги птиците
Со оваа активност децата ќе можат да вежбаат вештини за претурање, координација и прецизност за да ги нахранат гладните птици! Исечете ги печатените птици и залепете ги на чашки или теглички со слична големина. Потоа наполнете ја со овесни снегулки Play tray кутијата во длабоката страна, додадете лопатки (или лажици) за да ги нахраните птиците.
Водени цветови
Искористете ги шаблоните со цвеќиња за да создадете „расцветани“ цветови во вода. Обојте ги со фломастери и преветикајте ги ливчињата навнатре. Потоа ги ставете ги во капакот од кутијата PlayTRAY наполнет со малку вода и гледајте каде што ливчињата магично се отвораат додека ја впиваат водата.
Шарена риба
Овој шаблон можете да го користите за различни креативни активности. Постојат повеќе начини на примена: можете да направите колаж, да ја боите со водени, пастелни бои или да испробате техника на сликање со сол.
Оваа едноставна техника секојпат ги воодушевува децата. Едноставно нанесете бел лепак по контурите и покријте го со кујнска сол. Додека лепакот е сè уште влажен, со водените бои и четка нежно допирајте ја солта со боја. Бојата ќе се прошири низ лепакот и ќе создаде прекрасен визуелен ефект.
